 Бир юмуш билан ошхонага чиқдиму, стол устидаги нонларни автоматик равишда пакетга солиб нимага чиққаним эсимдан чиқди. Қизиқ...нонлар қотиб қолмасин деб онгим асл мақсадимни ўчириб туриб стол устидаги нонларни пакетга солиш сигналини тез хабар берганидан ўйланиб қолдим. Бу онгга болаликдан ёзилган хабар, яъни тарбия натижаси эди.
Болалигимни эсладим.
Бувим нонни солиб қўй деб жаврарди. Ўша болаликдаги бир қанча жаврашларни эслаб бугунги кунда дархақиқат автоматик тарзда қиладиган ишларимни ўйласам, рости хам онгим бу нарсаларга дархол эътиборни бузиб бўлса хам қаратиб хабар берар экан.
Лекин ўша болаликда эса қанчалар норози бўлардим эххей...
Гўё болалигим хамманикидек эмас, болаликдек эмас қандайдир бир тайзийқ остида бўлиб, бувим билан яшаб турган махалладаги ховлидан ота-онамни "доми”га кетишга ошиқардим.
Бувим оламдан ўтгач шу "дом”даги кўп тартиблар менга ғалати туюларди. Махалладошингизни икки махалла наридагисини номма ном биласиз. Домда эса тўғрингиздаги квартирада яшайдиганни номи тугул кўриниши эсда қолмайди.
Ғалати.
Мана "дом”га мослашганимга хам 15 йилча бўлди. Лекин болаликдаги тарбиям устимдан назорат қилишидан қанчалар хурсанд ва бувимдан рози эканлигимни тасаввур қила олмайсиз.
Барча интилиш, билимим негизида ўша болаликдаги хозир мен учун билинмас ва кичик, лекин болаликда каттадек туюлган тарбия ётибди.
Опа-сингилларим фарзандларини турмуш тарзи, тартибини кўрсам мен учун ғалати туюлади. Вахоланки болаликда мен шу нарсаларни орзу қилганман. Кўз ўнгимда кечагина етаклаб қўлимда кўтариб юрган жиянимнинг бугун бўйи мендан узун.
Фахм-фаросати эса нақадар калтадек…
Хамма нарсаси бор, истаган нарсаси мухайё қилинган бола бора-бора бу нарсалар осонликча қабул қилинишига ўрганиб қолмасмикан? Ахир қадр деган тушунча унинг онгига ёзилмаяпти-ку.
Инжиқланаётган ширин ва арзанда фарзандимиз хеч нарсадан кам бўлиши керак эмас деб истаган нарсасини мухайё қилаётганимизда олдиндаги мустақил хаёти учун қийинчилик туғдираётганимизни билармиканмиз?
Мустақил хаётда ота-она абадий эмас. Хаёт қийин нарса. Болаликдан дили қон бўлиб келажакда осон яшаш ёки болаликда дили байрам келажакда эса бурни қон бўлиш танлаш хуқуқи сизда.
Тарбия бу болаликдан онгни программалаштириш демак. Болаликдан хаммаси истаганингдек мухайё бўлади деб программалаштириб борар экансиз куни келиб ошхонага чиққанида егани фақат қотган нони бўлишини унутмаслик керак.
Оддий нарсалар….
Manba: www.BePuL.NeT -Saytdan olindi.
Нравится
REKLAMA QO'YILADI | 
205
148
0.0