 Ёлғондан бошланар асли болалик, эртаклар-яхшиликка етаклар. Майлида, яхшилик тарбия учун, ёлғони керакдир ишонмоқ учун
Қорбобо, янги йил, совғалар эса, беғубор эмас у , ғирт ёлғон ёшлик. Ха, шодлик, ха керак, ха, бу болалик. Ёлғондан қаддини ростлаган ёшлик...
Мухаббат...алдаса ишониб бахтли, вафоси сўнгганда чидай олмаймиз, нима кутган эдик охири бордир, эхтирос қизиқиш севгимизни хам. Яширсин, алдасин дейди кўнглимиз, ёлғонни севамиз аслида ишқда!
Тўйларда артистсиз рақси бормикан? Лаб қимирламаса, товуш тинарму? Талаби инсондан, ишлайди нарса , ёлғонга берамиз фалон фалон пул. Мажбурлаши йўқдир, ўзимиз истаб, чипталар оламиз концерт тўлдириб, темирлар мехнатда, инсони рольда, олқишлар, қарсаклар фақат ёлғонга. ..
Ёнингда қўшнингдан олмайсан ибрат, қариндош уруғга бермай оқибат, керак бўлса отанг, онанг хам хордир , кинодан йиғлаймиз, ёлғончи дарсдан.
Башанг кийингганни хурмат қил демак, қалбингни бўшлиққа тўлдирмоқ демак, ёлғончи қисқа бу умрда чўнтак, нима берар экан қалби, рухига? Бир умр интилиб яшаб бойликка, қорнига, эгнига, чотига сажда! Омади келганда унутиб исмин, кулфати келганда эслар Худони; Ёлғончи дунёнинг ёлғон саждаси. Хотиржам бўлишга мажбур алдаши.
Ўзини портлатиб, жиход -дер ахмоқ, умрида қуръонни уқиб билмаган, диндан хам ўзига ясаган ниқоб, дунёни ларзага солар ёлғонлар...
Домлага чопамиз; тақдир ўзгартир, фолбинга ишониб-инсон хукмига, демак, яшаш осон шу ёлғон билан , сотилиш, олиниш осони билан. Мўъжиза, мўжиза ёлғон мўжиза...вақтинча гўзаллик жаррохдан совға, ёшликни бергану қилмаган боқий , ёлғони гўзалдир, ёлғон мўъжиза. ..
Фарзандни бермабди қилган амали, дастрўмол ўралмай қолган дарахтга, оқлиғи бўлмаган зиёрат қайда, ёлғондан туғилиб қолганмиз гўё...
Чидолмай, ишонмай ўлим хабарга, сесканиб кетамиз; "Ўлим бу дахшат!”, нега ўлади у, омон эдику, нимадирни айблаб енгил оламиз. Шунча пайт гўёки ўлими йўқдек, мозори йўқ юртдек , якуни йўқдек, яшаймиз умрбод ёлғонга қулмиз...
Ёлғон бизга керак, ёлғон дунёда. Ёлғони керакдир яшамоқ учун, ёлғони мухимдир ишонмоқ учун!
Негадир мен яхши бўлгим келмайди, негадир бадавлат бўлгим келмайди, сабаби хотиржам уйқумдан кечиб, виждон азобида ўлгим келмайди .
Ростин айтганимда номим булғайди, негаки ёлғончи бўлгим келмайди...
Sayyod (c)
Manba: www.BePuL.NeT -Saytdan olindi.
Нравится
REKLAMA QO'YILADI |
169
110
0.0