 200 дан ортиқ касаллик ва жароҳатларга оид маълумотларни бир-бири билан таққослаган экспертлар, депрессия орқа елкадаги оғриқлардан кейин ишга лаёқатсизликнинг иккинчи энг кенг тарқалган сабаби эканини аниқлади. Уларнинг сўзларига кўра, депрессияни биринчи тартибдаги жаҳон муаммоси сифатида баҳолаш зарур.
Афсуски, депрессияга учраган кишиларнинг ҳаммаси ҳам мутахассис ёрдамини ололмайди, чунки ишга лаёқатсизлик нуқтаи назаридан қаралганида депрессиянинг таъсири мамлакатга қараб кучли фарқланади. Масалан, умумий депрессия кўрсаткичлари Афғонистонда жуда юқори, энг паст кўрсаткич эса Японияда. Квинсленд университети доктори Элизе Феррари бунга шундай изоҳ беради: "Энг ёмон вазиятни аҳоли даромади паст ва ўртача бўлган мамлакатларда кузатиш мумкин. Аҳолисининг даромади юқори бўлган мамлакатларда эса аҳвол яхшироқ”.
Жаҳон соғлиқни сақлаш ташкилоти ҳозирнинг ўзидаёқ дунёдаги руҳий касалликларни даволаш бўйича ҳаракатлар режасини тузди. Расмий тавсиф бўйича, депрессия – бу кенг тарқалган руҳий хасталик бўлиб, унга маъюслик, қизиқиш ва қувончнинг йўқлиги, айбдорлик ҳисси ва ўзига паст баҳо бериш, уйқу ва иштаҳанинг бузилиши, ланжлик ва диққат-эътиборнинг йўқлиги хос.
Депрессия аломатлари сурункали ёки даврий бўлади. Баъзида одам кундалик ҳаётдаги муаммоларни енгиш қобилиятини йўқотади. Депрессиянинг оғир шакли ўз жонига қасд қилишга олиб келиши мумкин.
Manba: www.BePuL.NeT -Saytdan olindi.
Нравится
REKLAMA QO'YILADI |
290
129
0.0