 Бир оилада бош фарзанд угил ва кетидан 3 киз бор.Иккита кизларини вактли турмушга бериб юборишган, кейин угилни уйлантиришди. Келинни узи топди, мактабда узидан кичкинарок синфда укиган киз эди. Оила урта таъминланган, оддий оила эди. Кизнинг онаси эса ишбилармон тадбиркор аёл эди. Аста-секин кизи ва куёвини уз бизнесига тортди, аввал хамкорликда, кейинрок уз ишларини очиб юритишди.
Хаммаси яхши эди-ю, лекин келиннинг бир одати бор эди - куёв билан ораларидан гап утиб колса, дарров ота уйига кетиб коларди. Аввалига купга колмай, кайнона-кайнота уртага тушиб кайтариб олиб келишарди, кейинчалик ойлаб келмайдиган, анчадан кейин худди хеч нарса булмагандек узи кечирим сураб кайтиб келадиган, баъзан яна кайнона-кайнота орага тушиб олиб келишадиган булишди. Шу орада фарзандли булди, аммо фарзандининг чилласи чикар-чикмас, тадбиркорлик ишини давом эттиришга ишга тушиб кетди. Бош фарзандига деярли узи карамади, кайнона ва турмушга чикмаган кайнисингил катта килишди. Кейин киз тугилди, уни хам чилласи чикар-чикмас яна ишга тушиб кетди.
Бу орада яна неча маротабалаб ота уйига кетишлар-у, гап-сузлар утди. Уй юмушларини хам кайнона-ю кайнисингил килишарди, келин эрталаб ишга чикиб кетганча, кечки овкат тайёр булганда кириб келарди. Шунда хам фарзандлари бор, оилалари бузилмасин деб, чидашди. Бу оилада хаммаси яхши эдию, лекин турмушга чиккан кизлар озгина муаммо эди, яъни каттаси уйдан кийналган булса, уртанчаси кайнонаси билан унча келишолмас, шу сабабдан улар купинча ота уйига келиб утириб олишарди, камига кизларнинг моддий таъминоти хам аканинг буйнида эди. Келинга шу нарсалар ёкмасди. Келин тадбиркор булгани учун фарзандларини энага бериб карата бошлади, табиийки пулини узи туларди. Ундан ташкари, машина сотиб олди, хуллас, узини шу жихатлардан устун куя бошлади. Яна кетиб колишлар. Энг кизиги, куёв билан уришиб уни лойга булгаб кетарди-да, кайтиб келагандан кейин куёв худди хеч гап утмагандек, яшайверарди, уни устига, дам олишларга олиб борарди.
Орадан озгина вакт утиб улар каттик уришишди ва жахл устида конунан ажрашишди. 1 йилдан ортик вакт утгач, ярашишга карор килишди ва никох укитиб яна бирга яшай бошлашди. Шунда кичкина кайнисингилни хам узатишди. Келин учинчи фарзандини дунёга келтирди. Энди хаётлари изга тушиб кетади, деб уйлашганди, фарзандининг кичкина чилласи чикиши билан уни энагага топшириб яна ишга тушиб кетди. Кичкина кайнисингил фарзандли булганда, келин яна ота уйига кетиб колган эди. Бешик туйи усиз утди. Куп утмай яна кайтди. Яна хеч нима булмагандек хамма билан ширин муомала килиб яшаб юраверди. Энди опаларининг ёнига кичкина кайнисингил хам кушилди, аканинг ташвишлари ортди. Куёвлар хам анча уятдан нари экан, кайноганинг ёрдамини индамай кабул килиб хазм килиб кетишарди. 1 йил олдин чет элда эр-хотин бирга дам олиб кайтишди. Хамма кариндошлар хаётлари изга тушибди, деб уйлаганди, лекин келин яна ота уйига кайтиб кетди.
Уртанча кизнинг учинчи фарзандини тугиб, тугрукхонадан уз келинлик уйигамас, кизлик уйига чикиши ва чилласини шу ерда чикариши келин учун охирги томчи булди, у бутун куч-куронини йигиштириб, кетиб колди. Кайнона-кайнота олиб келамиз деб боришганда, кайтиб бормайман, деб катъий туриб олибди.
Кайтишини кута-кута, ахири угилни бошкага уйлантиришга карор килишди ва кариганларида, келиннинг хизматини куришдан умид килишди. Уч фарзандлик эркакка бир кариндошлигининг турмушга чикмаган кизини олиб беришди, дабдабали туй булди.
Туйни хаммадан роса сир саклашди, чунки келин эшитиб колса, туйни бузади, деб куркишди. Мехмонларни хам 2 хафта колганда чакирилди. Туйдан 3 ой утиб кариндошларнинг келинидан бири куёвни биринчи хотини билан машинда бирга кетаётганини куриб колибди. Унинг устига куёв хам бирдан чет элга "бизнесни кенгайтириш учун" сафарга кетибди. Хозир янги келинга билдиришмаяпти, балки куёвнинг ота-оанси хам билмас, лекин бу биринчи келиннинг усталик билан тузган режаси булиб, худди эри билан ажрашгандек, нарсаларини йигиштириб олиб кетди. Сунг уни бошкага уйланишга кундирди. Шундай килса, кайнона-кайнота ва кайнисингилларнинг хизматини уша келин килиб юраверади, узи эса, эри билан яширинча яшайверади.
Моддий жихатдан таъминотга мухтож эмас, унга факат эри керак. Хуллас, замонавий "Уткан кунлар" киссаси. Факат бу вокеадаги "Кумуш" анча уста чикиб колди, "Отабегини" узига кайтариб олди.
Нафис ёзиб олди.
Manba: www.BePuL.NeT -Saytdan olindi.
Нравится
REKLAMA QO'YILADI |
155
100
0.0