Munisa Rizaeva
Munisa – arab tilidan tarjima qilinganda – "ajoyib ovoz" degan ma'noni anglatadi. Shuning uchun "Ism inson hayotini aniqlab beradi" deb bekorga aytishmasa kerak. Uning tashqi ko'rinishi, ovozi va shaxsiga ham ismning bog'liqlik tarafi kuzatiladi.
Biz uchun Munisa Rizaeva - bugungi kun qo'shiqchilik san'atida ijod qilayotgan xonanda - go'yoki u "1001 kecha" ertagidan kelib qolgandek, chiroyli ovozga ega bo'lgan, betakror tashqi ko'rinishli. Uning ovozini estrada olamida ijod qilayotgan hech bir ovoz bilan adashtirib bo'lmaydi, boshqa ovozlardan farq qiladi. Uning obrazi, kiyinish uslubi, hatti-harakatlari, ijrosi yurtimizdagi millionlab tomoshabinlarni o'ziga rom etdi. Munisaning uslubi o'ziga hos va takrorlanmasdir. Munisa Rizaeva xonandalik faoliyatiga tez va shiddat bilan kirib kelishi ortida, avvalam bor uning iste'dodi, tinimsiz mehnati va vokal salohiyati asosiy o'rinda turadi.
Munisa Rizaeva oltin kuz faslining 21 oktyabrida tavallud topgan. U yoshligidan, deyarli umrining asosiy qismida Londonda istiqomat qilgan. 6 yoshidan musiqa uning nafasiga aylangan - yoshligidan u kuylash va raqsga tushishni yaxshi ko'radi. Biroq, ota-onasi ijod qilishiga qarshi bo'lishgan, chunki buni oddiy bir havas deb hisoblashgan. Lekin, albatta Munisa kurashishda davom etdi: yig'ladi, to'palonlar qildi, ocharchilik e'lon qildi, ammo bularning hech biri qattiqqo'l otaning yuragini yumshata olmadi.
Maktabni yakunlagach Munisa otasidan konservatoriyada o'qish uchun pul to'lashda yordam so'radi. Afsuski, u yordam berishdan bosh tortdi. Shunda Munisa buyumlarini olib uydan ketib qolgan. Ikki yil o'z holicha kun ko'rdi, yotoqxonadan ijaraga xona oldi, keyin kichik studiya, bir vaqtning o'zida ikki joyda ishladi. Yil davomida o'qish uchun pul to'plashga to'g'ri keldi, lekin omad Munisaga kulib boqdi va u byudjet asosida o'qishga kirdi. Biroq, u musiqiy bilim bilan cheklanib qolishni istamadi. Londonda joylashgan Westminster Universtitetiga o'qishga kirib, "Business Management" mutaxassisligini omadli yakunladi. Shundan keyin otasi (Bahodir Rizaev) unga Toshkentda "Retro Palace" mehmonxonasini ochishga yordam berdi. Ushbu mehmonxonaning boshqaruvchisi va egasi Munisaning o'zi bo'ldi. Biroq, bo'lajak xonanda o'z ijodiy faoliyatini boshlashni juda-juda istar edi.
Londonda Munisa juda ko'p qiyinchiliklarga duch keldi, anchagina kastinglardan o'tdi. 2010 yil Toshkentga kelib, bir qator qo'shiqlar chiqardi, ammo unga bularning barchasi kamdek ko'rindi. 2011 yildan ijodga yanada jiddiy kirishdi. Bir yil davomida "PanTerra" studiyasining ko'magida juda ko'plab qo'shiqlar yozdi va 2012 yil kuzida o'zining ilk debyut albomini chiqardi. Har bir navbatdagi qo'shiq hitga aylana boshladi. "Ayrilma yor", "Ko'zlarim yana", "Yengilmas sevgi", "Ey samo", "Gollivud" singari qo'shiqlarni yurtimizning deyarli barcha joylarida sevib tinglay boshlashdi.
214
128
0.0