Мухлис минбарига нечоғлик тўғри келаркин билмадиму лекин бу воқеа сираям ёдимдан чиқмайди.
"Дом"имизда онам "домком" бўлгани сабабли бирон воқеа содир бўлса биринчи бўлиб уйимизни эшиги жиринглайди. Бу сафар хам ярим кечаси милиция уйғотди.
Онам билан иккинчи подъезд олдига келганимизда бир қари киши биргина ички кийимиде ерда ётарди.
6 этаждан ўзини отиб юборибди.
Юқорига чиққанимизда аёли "Мана ахмоқлик қилиб қўйди, жимгина хонасига кириб кетганди, фақатгина бироз ичганди" дедию ўзини тутишидан хеч хам эри ўлганни эслатмасди.
Ха бечора шокда хозир деди онам.
Уйига назар солсам хеч вақо йўқ.
-Уйини сотиб кетишмоқчи эди Россияга, бола чақаси хаммаси ўша ерда. Чол хохламаётганди, шу ер Ватаним, шу ерда ўламан дерди. Хотини эса ўзим кетаман деб қўймаётганди. Уйни сотиб ярим пулига бир хоналик уйни олиб беришаётганди...
Рус миллатига мансуб бу чолу кампир иккиси яшарди. Кетай деса Ватан, қолай деса неча йиллик хотини ташлаб кетмоқда...
Негадир урушиб итариб юборган деган хаёл тураверди, хархолда уйни пули хам анчагина. Лекин қўшнилар шовқин эшитмаганликларини айтишди.
Чолни кўмадиган кунгина кампир йиғлади. Орадан бир ой хам ўтмай Россияга учиб кетди.
Бу рус чоли учун Ватан туйғуси Ўзбекистон эканлигидан фахрланайми, хайратланайми билмасдим... Шу ернинг тупроғи шу қадар азиз эканки. Бошқа тарафдан шунча йиллик кампиринг сени ташлаб кетишга рози бўлибдими, шартмиди уни деб икки ўт орасида ўзингни хис қилиш?
Хуллас билмадим, бу хануз кўз олдимда қотган машъум манзара...
С.
207
104
0.0