Organizm normal faoliyat ko'rsatishi uchun barcha a'zolar faoliyati muvozanatda bo'lishi darkor. Ovqatlanish, ishlash, uxlash, dam olish, jismoniy faoliyat, asab buzulishi va boshqa shu kabi ko'rsatkichlar bir maromda bo'lmasa odam stressga uchraydi. Ko'p ishlab kam dam olish, yetarlicha uxlamaslik, ko'p asabiylashish - barchasi stress sababchisidir. Stress holatida organizm normal faoliyat ko'rsata olishi maqsadida qo'shimcha gormonlar ishlab chiqara boshlaydi. Natijada yurak urishi va nafas olish tezlashadi. Qon aylanishi va yurak faoliyati kuchayadi. Organizm va organlar tez "charchay boshlaydi".
Tabiiyki, vaqt o'tib organizm imkoniyatlari, shu qatorda jinsiy imkoniyatlar ham pasaya boshlaydi. Stress holati surunkali shaklga o'tib qolsa, uyqusizlik, asab tizimining buzulishi, jinsiy ojizlik va boshqa salbiy oqibatlar vujudga kelishi mumkin. Undan tashqari stress natijasida immunitet pasayishi kuzatiladi. Immunitet pasayishi esa o'z-o'zidan ba'zi jinsiy kasalliklarni ham yuzaga keltiradi. Masalan, kandidoz(molochnitsa) kasalligi aynan immuniteti pasaygan ayollarda ko'p uchraydi.
Jinsiy hayot bevosita organizmning asab tizimiga bog'liq. Stress holatida esa, ayollarda jinsiy sovuqqonlik sababchisi vaginoz vujudga kelishi, erkaklarda jinsiy kuchsizlik namoyon bo'lishi, undan tashqari jinsiy aloqadan lazzatlanish darajasining pasayishi kuzatilishi mumkin.
Nima qilish kerak?
Hozirgi kunda stress hayotimizning ajralmas qismi bo'lib qolmoqda. Stressdan hech kim xoli bo'la olmaydi. Lekin stress holatidan vaqtida chiqib ketish, uni surunkali shaklga o'tib qolmasligini ta'minlash o'zimizning qo'limizda. Buning uchun quyidagi maslahatlar bilan tanishib chiqish maqsadga muvofiq bo'ladi:
Kuniga kamida 8 soat uxlash; Charchatadigan ish qilgandan so'ng yetarlicha dam olish; Yoga mashg'ulotlari bilan shug'ullanish (yoga - stress bilan kurashishda eng yaxshi vosita); Toza havoda sayr qilish; Jinsiy aloqani muntazam ravishda amalga oshirish. Ma'lumki, jinsiy aloqa stressni bartaraf eta oladi, lekin doimiy stress holatida bo'lish aksincha, jinsiy sovuqqonlikka olib keladi. Shuning uchun stress holatini vujudga kelishini oldini olish maqsadida ham jinsiy aloqa bilan shug'ullanish foydali bo'ladi; Asablarni buzadigan ishdan keyin aktiv dam olish. Televizorni oldida yotib, keyin kechasi bilan buzulgan asablar bilan uxlay olmagandan ko'ra, farzandlar bilan parkda sayr qilib, futbol o'ynab, jismonan charchab keyin dam olish samaraliroq bo'ladi. Basseynda suzish (suv ham asablarni tinchlatiruvchi, stress holatini bartaraf etuvchi vosita); Hovlida ishlash (yer chopish va haydash, ekinlarni ekish jismonan sizni charchatgani bilan asablaringizni joyga qo'yishga yordam beradi).
Manba: www.BePuL.NeT -Saytdan olindi.
Нравится
REKLAMA QO'YILADI |