Интернет тармоғидан Юлдуз Ибрагимовнани мухлислари, Юлдузнинг бетоблиги хақида қайғуриб хавотирланганидан ажабланмадим. Биринчидан мухлис, иккинчидан нима гап-сўзлар қилишмайди машхурларни? Бошқа тарафдан, мана шу интернетда, аноним тарзида мен билан сухбатлашган бир хонандани гаплари ёдимга тушиб кетди. -Юлдуз опани туғулган кунларига бориб, биргина тилак билдириш ниятим бор. "Йўлингизни беринг демайман, йўлингиз бу сизни йўлингиз, у йўллардан сиз ўтгансиз, бошқаси ўтармикан? Сиздек машхур бўлай деёлмайман, у сизни машхурлигингиз, сизники бировга ёлчирмиди? Сиздек бўлай деб хавас хам қилмайман, сиз бу сиз, минг аъло бўлмасин, бошқа Юлдуз бўлмайди. Хавас қилмайман опа, зеро у хаваслар сабабига ачинса арзигулик қисматингиз йўқ эмас. Сиздек иқтидор сохибаси бўлай хам демайман, зеро бу иқтидорни сўраб хам, тилаб хам олиб бўлмайди, у билан туғилинади... Кун келиб олдингизга фотиха хам беринг деб бормайман, зеро у фотихага лойиқ бўлишим керак!
Ниятим, санъатда шундай бир иш қилсамки, Сизга учраган пайтда; "Қизим, мана бу ишинг менга ёқди, мана бу ери мени хурматимга сазовор, мана шунисини тан олдим, қойилман!" деганингиз энг олий ва хаққоний фотиха бўлади! Сизга тилагим эса... Оллох қанча умр берган билмадиму, ана ўшанчасигача соғ бўлиб, бизларни санъатга илхомлантириб яшашда кучингиз ва хохишингиз йўқолмасин. Шунчасигача Сизнинг олдингизда бир неча сония ўтириш бахтига муяссар бўлишимиздек орзуларимизга лойиқ қолинг. Тарихий ва тирик афсона бўлганингиз билан, душманларни хам шундай кучлилари кўпаяверади... Ана уларнинг фисқу-фасоди, тухмат ва ёмонликлари, оддий қарғишидан хам Оллох асрашини тилайман!"
Бу мулоқотга унча кўп бўлмаган ва уни чоп этишга шунчаки сабаб бўлмаганди. Юқорида маълум қилганимдек, мухлислари орасидан бирининг "запрет" хақидаги саволи ва мабодо Худо кўрсатмасину Юлдуз шу холида ўлса, халқ кечирмайди! деган гаплари ёдимда қолди.
Совуқ ният дерсиз? Балки асос бордир дерсиз? Йўқ асос йўқ, ният хам эмас, бу шунчаки хаёт! Исиқ жон, ёшларига хам ёш қўшилиб бормоқда. Ана, санъатимизда қанча ёшлар кутилмаганда бизларни тарк этмоқда. Ўлим хақ. Эртага нима бўлишини билмайсан. Рости хам, Худо кўрсатмасину, Юлдуз Ибрагимовнага у-бу нарса бўлса...халқ кечирармикан?
Ўлимдан кейинги "посмертный" тан олиш мукофотлар хам ёрдам берармикан? Яна қанақа мукофот ва тан олиш? Халқ артисти унвони сохибаси, халқ тан олган тирик афсона бўлса... Нари борса хайкал қўйилар ё кўча номи берилар...
Фақат номланиши запретда кетган Ўзбекистон Халқ артисти бўладими? Ачинасиз шу тобда...Йўқ, Юлдузга эмасда. Юлдуз Ибрагимовнанинг "запрети" хақида, унинг таваллуд айёмида билдирган "Жиноятчи хам амнистияга тушади...санъаткор эса.." деган табрикномамда айтиб ўтганман (манба).
Биласизми, Юлдузнинг мухлиси эмасман, очиқ гап. Сайтимизда Юлдуз билан бир қаторда тенг хуқуқда Озода хақидаги хабарлар хам бирдек чиқиши сайтимизнинг хаққоний майдон эканлигидан яна бир далолат. Хар кимнинг ўз муносабати ўзига, менинг шахсий муносабатим эса хар иккисига бирдек хурматда эканлиги хеч кимга сир эмас. Санъат оламида мухлис бўлган санъаткорим йўқ, севимли қўшиқларим бор холос. Мухлислар фикрига қулоқ тутсанг, кимдир Юлдузни ёзаверасан дейди, кимдир Озодани, кимдир Шахзодани, яна кимдир Шохруххонни, Матчоновани.... Бундоқ хар бир эътирозни олиб қарасанг деярли хаммани санаб чиқишган бўлишади. Демак ишлаётган ва янгилиги мавжудлар хақида ёзиладида.
Йўқ, мавзудан сирпанмадим, шунчаки Юлдуз хақида худди фанатдек мақола тузгандек эмаслигим хақида фикр билдиряпман. Шундай бўлса хам нима қилибди? Арзигудек ва лойиқ санъаткор!
Афсуски, бугунги кундаги унинг тирик афсона номига, сахнадан айролиги лойиқ эмас. Ким хато қилмайди? Инсон фаришта эмас, у ўша гунохи ва хатолари билан инсон. Худо кечирган, бандаларига нима бўлибди? Жазо муддати чўзилиб кетмадимикан?.... Вақти етмадимикан? Ғаниматмасмикан?
Рамазон ойига тўғри келган мақола...
Совуқ фикрлар эмас, оддий хақиқат ва бор бўлган нарса. Ўлим хақ, ва Худо кўрсатмасин шу холида айрилиб қолсак.... халқ кечирармикан?.... Хулоса...хаммамиздан.
Мен эса ўз навбатида юқоридаги тилакка қўшиламан ва Оллох қанча умр берган бўлишидан қатъий назар, у хам, унга муносабатдагилар хам лойиқ холда бўлишдек умр ўташини тилайман!
Manba: www.BePuL.NeT -Saytdan olindi.
Нравится
REKLAMA QO'YILADI |