Eringiz siz bilan o'zini baxtiyor va xursand his qilib, doim sizga intilib, ishdan chiqib uyga siz tomon shoshilib kelishi uchun siz (ya'ni ayol) harakatda bo'lmog'i ngiz lozim. Bu harakat nimadan iborat: 1. Mazali tushlik Ishdan charchab kelgan erkak uchun mazali ovqatlanish juda katta ahamiyat kasb etadi. Qorni och erkak juda jahldor bo'ladi, sezganmisiz? Shuning uchun har kuni eringizni ajoyib, mazali va to'yimli ovqatlar bilan kutib oling. Har kungi dasturxoningiz turlicha bo'lsin. Osh juda yoqimli ovqat, lekin haftada 3 marta osh qilib bersangiz, bu taom eringiz joniga tegishi aniq. Izlaning, harakat qilib eringizni xursand qiling. Asosiy taomdan tashqari shirinliklar haqida unutmang. Issiqqina ovqatdan keyin o'z qo'lingiz bilan pishirgan shirinliklar eringiz har kuni uyga shoshib kelishini ta'minlaydi.
2. Go'zallik Uy-yumush ishlari bilan band bo'lib o'zingiz haqingizda unutib qo'ymang. Eringiz uyga kelish vaqtiga chiroyli bo'lib oling. Bu degani chiroyli mehmonga kiyiladigan ko'ylakni kiyish kerak emas, uy kiyimingiz ham saramjon, sizga loyiq, sizga yarashib turadigan bo'lishi kerak degani. Undan tashqari tunda eringiz bilan yolg'iz bo'lganingizda ham, pijama yoki eski olimpikani emas, balki ipakdan tikilgan, go'zalligingizni ochib beradigan mayin kechki liboslarni kiyishingiz lozim. Eringizga yoqimtoy bo'ling doim.
3. Jinsiy lazzat Jinsiy munosabatlar deyarli barcha oilada eng ustun munosabatlardan biridir. Uning go'zalligi va sifatliligi er-xotin uchun katta baxt. Eringizga eng katta lazzatni ato etish uchun, unga yoqadigan narsalarni qilishdan bosh tortmang. O'rganing, izlaning, jinsiy munosabatlaringizni boyiting. Uning javobi qanchalik sizga yoqimli bo'lishi o'shanda ko'rasiz.
4. Hordiq Parkka chiqib aylanib kelish, velosipedda uchish, turistik safarlar, kino, futbol, basseyn va boshqa shu kabi bir-biringiz uchun yoqimli vaqt o'tkazish yo'llarini izlang. Hafta davomida har kuni ishga borib kelish odamni charchatadi. Dam olish kunlarini oynai jahon oldida emas, balki toza havoda, bolalar bilan yoki er-xotin o'zlari mazza qilib, asosiysi qiziqarli o'tkazishlari kerak.
5. Kompliment Har bir erkak uchun ayolini maqtoviga sazovor bo'lish muhim rol o'ynaydi. Shunday ekan, eringizni maqtab turishni unutmang. Axir maqtovga arzimasa, uni sevarmidingiz? Ichingizda unga nisbatan bo'lgan barcha iliq tuyg'ularingizni aytib turishni unutmang. Uni qancha ko'p maqtasangiz, u shunchalik siz uchun kattaroq yaxshiliklarga qodir bo'ladi. Eng asosiysi dildan maqtang, aldamang.
6. Faxr Eringiz siz bilan faxrlana olsin. Kimdir ayoli ajoyib tortlar pishirgani bilan faxrlansa, kimgadir bu emas balki xotini juda aqlli vrach ekanligi muhimroqdir. Eringizga nima afzal ekanligini bilib, uning faxriysiga aylaning.
7. Hayron qoldiring Nafaqat ayollar, balki erkaklar ham yoqimli syurprizni xush ko'radilar. Shunday ekan eringizni yaxshi ma'noda hayron qoldirib turing. Syurpriz shakli va ko'rinishi siz va eringiz munosabatlaringiz, fe'lingiz va moliyaviy ahvolingizga bog'liq. Eringiz hamyonida topilgan sizning oddiy sevgi xatingiz ham uni befarq qoldirmaydi, ishoning.
Nima bo'lsa-da, siz qanchalik eringiz uchun harakat qilsangiz ham, charchamang. Axir bir yostiqqa umrbod bosh qo'yib, baxtli turmush egasi bo'lish uchun yoningizdagi ajoyib inson - suyukli yoringizni xursand qilishni o'zi baxt emasmi? Tavsiya qilamiz:
Manba: www.BePuL.NeT -Saytdan olindi.
Нравится
REKLAMA QO'YILADI |